Կարեն Դեմիրճյանի անվան մարզահամերգային համալիր
Համալիր
Կարեն Դեմիրճյանի անվան մարզահամերգային Համալիրը Երևանում գտնվող ամենամեծ մարզահամերգային համալիրն է։ Գտնվում է Ծիծեռնակաբերդի բլրի վրա՝ Երևանի արևմտյան մասում՝ Հրազդան գետի մոտ։ Համալիրը բաղկացած է 2 մեծ սրահներից՝ սպորտային և համերգային։
Մարզահամերգային առաջին դահլիճը՝ մարզադահլիճը, շահագործման է հանձնվել դեռևս 1983 թվականին, իսկ երկրորդ դահլիճը շահագործման է հանձնվել 1984 թվականի հոկտեմբերի 13-ին՝ նրա հանդիսավոր բացումով։
Համալիրն ունի եզակի դիզայն, ամբողջ շինարարության արտաքին տեսքը հիշեցնում է իր թևերը բացած մեծ թռչուն։ Դրա ճարտարապետական հատկությունները ներառում են 1,008 տեղանոց դահլիճ, որը կարող է արագորեն միացնել երկու մեծ սրահը` ստեղծելով լրացուցիչ նստատեղեր, որոնց համար ճարտարապետները պարգևատրվել են ԽՍՀՄ պետական մրցանակով, որն իր տեսակի մեջ ամենաբարձրն էր 1987 թվականին։
Համալիրը բաղկացած է հետևյալ սրահներից՝
- Հիմնական դահլիճն ունի 6000 նստատեղ, որն օգտագործվում է սպորտային միջոցառումների և համերգների համար, ընդլայնվելով այն կարող է ունենալ մինչև 8,800 նստատեղ,
- Համերգային դահլիճը կարող է ունենալ 1,900 տեղ,
- Մարզասրահն ունի 2000 նստատեղ,
- Հայաստանի նիստերի դահլիճ,
- Արգիշտի դիվանագիտական հանդիպումների դահլիճ,
- Խոշոր դահլիճները օգտագործվում է ցուցահանդեսների և այլ միջոցառումների համար։
Միջոցառումներ
Մանկական Եվրատեսիլ երգի իններորդ մրցույթը տեղի ունեցավ 2011 թվականի դեկտեմբերի 3-ին՝ Երևանի Մարզահամերգային համալիրում
WCIT 2019-ը տեղեկատվական և հաղորդակցական տեխնոլոգիաների (ՏՀՏ) միջոցառում է, որը տեղի է ունեցել 2019 թվականի հոկտեմբերի 6-ից 9-ը Երևանում, Հայաստան
Digitec Expo-ն հանդիսանում է 2005 թվականից ի վեր տարածաշրջանի ամենախոշոր ամենամյա տեխնոլոգիական միջոցառումը
